نێچیروان بارزانی پیشوازی لە یەکەمین باڵوێز گشتی قەتەر لە هەرێم کوردستان کەێد
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە دیدارەگە، وەگەرد پیرووزبایی کردن وەبوونەی دەسکردن فەزالە وە ئەرکەیل پۆستەگەی، سەرۆک نێچیروان بارزانی گشت پاڵپشتیکردن ئەرای لەلایەنەیل پەیوەندیدار لە هەرێم کوردستان ئەرا سەرکەفتن ئەرکەیلی نشان دا، و دووپات لە ئامادەیی هەرێم کوردستان ئەرا گەشەپیدان پەیوەندیەیلی وەرد دەوڵەت قەتەر کرد.
لەلاییگ ترەک، قونسوڵ گشتی قەتەر سڵاو شازادەی قەتەر ئەرا سەرۆک هەرێم کوردستان رەسان، و خوەشاڵیی وە وازکردن قونسوڵخانەی وڵاتەگەی لە هەرێم کوردستان، و دەسەوکاربوینی.
فەزالە دووپات کرد کە ئەوەسا گشت تەقەلایگ دەێد ئەرا وەنووابردن پەیوەندیەیل وڵاتەگەی وەگەرد هەرێم کوردستان، وەتایبەت لە چین ئابووری.
دویاترین نووەوبویەیل لە ناوچەگە وەشیوەی گشتی، و بڕیگ باوەت خاوەن گرنگی لەلای هەردوگ لایەنەگە، باسەیل ناو ئەو دیدارە بوین.
