نێچیروان بارزانی پیشوازی لە درویژکردن ئەرک سوپای ئەڵمانیا لە عراق کەێد
شەفەق نیوز/ نێچیروان بارزانی سەرۆک هەرێم کوردستان، ئیوارەی ئمڕوو پەنجشەممە، پیشوازی لە درویژکردن ئەرک سوپای ئەڵمانیا لە عراق تا دویادویای ساڵ ٢٠٢٦ کرد.
نێچیروان بارزانی لە پۆستیگ لەبان ماڵپەڕ ئێکس نویسان: پیشوازی گەرمیگ لە بڕیار حکومەت و پەرلەمان ئەڵمانیا کەم ئەرا درویژکردن ماوەی مەنین هیزەیلی لە عراق، وتیش: هیمان ریخریاگ داعش هەڕەشەی گەورەیگ لەبان عراق و ئاسایش و ئارامی هەرێمی دیرێد.. نرخدار ئامادەیی و هاوکاری هاوپەیمانەیل ناودەوڵەتیمان لە جەنگ دژوە داعش کەم.
وەرجەیە، پەرلەمان ئەڵمانیا رەزامەنی لەبان درویژکردن ئەرک سوپای ئەڵمانیا دا ئەرا بەشداریکردن لە وەجیهاوردن ئارامی لە عراق تا ماوەی ١٥ مانگ ترەک، وەیەوە حکومەت ئەڵمانیا توەنێد تا ٥٠٠ سەرباز لە سوپا ئەرا عراق کل بکەێد.
ئی ماوە تا ٣١ کانوون دویەم ٢٠٢٦ وەردەوام بوود، و سەربازەیل ئەڵمان لە ئەرک NMI "ناتو" وەردەوام بوون.
