نێچیروان بارزانی: پشتگیری هەر تەقەلایگ ئەرا چارەکردن بەسیان سیاسی کەیمن
شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، دووپات کرد لە پشتگیریکردن کورد ئەرا هەر تەقەلایگ ئەرا چارەکردن بەسیان سیاسی وگرنگی نزیکەوکردن نووڕینەیل ناوبەین فراکسیۆنەیل سیاسی.
نویسینگەی راگەیانن سەرۆکایەتی هەرێم کوردستان لە بەیاننامیگ رەسیە ئاژانس شەفەق نیوز وت: بارزانی چەوی کەفتە شاندیگ لە ئەندامەیل سەروەخوەیی لە ئەنجومەن نوینەرەیل ک وە دەسەی دانوسەنین ناسیانە، و وەگەردیان باس دویاترین نووەبویەیل رەوشەیل سیاسی لە عراق و سەختیەیل وەردەمی و ئەو تەقەلایە ئەرا وەیەکڕەسینەوە ناوبەین لایەنەیل سیاسی کرد، و پشتسەرنان دەسپاچەی سیاسی.
بارزانی دووارەی پشتگیریکردنی ئەرا ئەو تەقەلایلە وەخاتر نزیکەوکردن ناوبەین حزبەیل سیاسی کرد، و سەرکەفتن لەبان ئەو سەختیەیلە ک کەفتنە وەر کار سیاسی لە عراق، وباس لە ئومید خوەی لە رەسین تەقەلایان وەسەرکەفتن کرد.
لەلای خوەییش شاند پەرلەمانتارەیل سەروەخوەی باس ئەوە کردن ک ئامانجیان لە سەردان هەرێم کوردستان ئەرا گفتوگۆکردن وەگەرد حکومەت هەرێم کوردستان وحزبەیل سیاسیە، وپەیاکردن دەرفەتیگ ئەرا دراتن لە دەسپاچەی سیاسی لە عراق.
وهەمیش باس سوپاسیان لە دەور سەرۆک نێچیروان بارزانی وهەڵمەتەیلی کردن ئەرا نزیکەوکردن حزبەیل سیاسی لە هەرێم کوردستان، وباس لە ئومیدی کرد ک کاریگ وەوجویرە لە عراقیش ئەنجام بەێد.
