نێچیروان بارزانی: پشتگیری لە یەکڕزی کورد سوریا و ریڕەوی دانوسەنین کەیمن
شەفق نيوز- هەولێر
نێچیروان بارزانی سەرۆک هەرێم کوردستان، ئمڕوو پەنجشەممە، دووپات لە گرنگی یەکڕزی کورد کرد، و یەکڕزی ریڕەوی دانوسەنین لە سوریا کرد، ئەوەیش لە دیداریگ وەگەرد ئەنجومەن نیشتمانی کوردی سوریا.
نویسنگەی راگەیانن سەرۆک هەرێم کوردستان لە بەیاننامەیگ رەسیە ئاژانس شەفەق نیوز وت: نێچیروان بارزانی سەرۆک هەرێم کوردستان، دویای نیمەڕو ئمڕوو، پیشوازی لە شاندیگ لە سەرۆکایەتی ئەنجومەن نیشتمانی کوردی لە سوریا (ENKS) کرد، وە سەرۆکایەتی محمد ئیسماعیل سەرۆک ئەنجومەن.
وتیش: شاند (ENKS) لە دیدارەگە باس دویاترین گەشەیل لە سوریا کرد، و رەوشەیل کورد و ئەو پیکاتەیل لەورا، هەمیش باس رۆڵ ئەنجومەن لە پرس سیاسی و دانوسەنین کریا.
بارزانی دووپات لە گرنگی یەکڕزی و لەیەکفامستن ناوەین لایەنەیل کورد کرد، و دووارە دووپات کرد کە هەرێم کوردستان، جویر هەمیشە، پاڵپشتی و پشتگیری لە ریڕەوی دانوسەنین کەێد، وەگەرد پتەوکردن وەیەکەوژیان و مقیەتیکردن ماف گشت پیکاتەیل لە بنەمای ئارامی و پیشکەفتن وڵات.
لەلای خوەیانیش، شاند (ENKS) سوپاس و رێزیان لە رۆڵ وەردەوام بارزانی ئاشکرا کردن لە چارەسەرکردن پرس کورد لە سوریا، و ئەرا پیشکەشکردن وەردەوام هەرێم کوردستان.
نویسنگەی راگەیانن سەرۆک هەرێم کوردستان لە کۆتایی وتیش: لە دیدارەگە باس رەوشەیل گشتی لە ناوچەگە کریا وەگەرد بڕیگ لە باوەتەیل گرنگ لەلای هەردوگ لایەن.
