نێچیروان بارزانی سوپاس چین ئەرا دەسمیەتی کوردستان لە نواگردن کۆڕۆنا کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، دووپات لەبان گرنگی پەیوەندیەیل ناوبەین هەرێم کوردستان و ولات چین کرد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: نێچیروان بارزانی سەرۆک هەرێم کوردستان، ئمڕوو، پیشوازی لە سوی وی باڵیۆز وڵات چین لەلای عراق کرد، و دیاری کرد ک بارزانی لە دیدارەگە پیرووزبایی لەلی کرد وە بوونەی وەرگردن ئەرکەیل نووی و ئومید سەرکەفتن ئەرای خوازێد.
بارزانی دووپات لە گرنگی پەیوەندیەیل دووانی ناوبەین هەرێم کوردستان و چین لە جویراجویر چینەیل کرد، و سوپاس حکومەت چین کرد ئەرا دەسمیەتی هەرێم کوردستان وە دەرمان وخوازینەیل پزشکی ئەرا نواگردن کۆڕۆنا.
وەگورەی بەیاننامەگە، لە دیدارەگە هەمیش باس رەوشەیل سیاسی ئیسە لە عراق ورەوشەیل هەرێم کوردستان و ناوچەگە کریا.
باڵیۆز چینی، نشان دلگیریی وەو گەشە دا ک هەرێم کوردستان وەخوەی دوینێد، وەگەرد ئەرزشکدارکردن رەنجەیل هیزەیل پێشمەرگە لە جەنگ دژوە داعش، ودووپات لە گرنگیدان وڵاتەگەی کرد لە گەشەدان پەیوەندیەیل بازرگانی وەرد هەرێم کوردستان و عراق، و تەقەلای زیایکردن گواستنەوەی بازرگانی ناوبەین دوو وڵات.
