نێچیروان بارزانی سوپاس کۆمسیۆن کەێد: سەرکەفتن هەڵوزاردن لە ئەنجام رەنجەیلی وەرد گشتی هات
شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، نرخدار رەنجەیل کۆمسیۆن باڵای سەروەخوەی هەڵوژاردن فیدڕاڵی کرد، ئەرا سەرکەفتن دەنگدان ئەرا هەڵوژاردن پەرلەمان کوردستان، و دووپات کرد کە لە ئەنجام رەنجەیلی وەرد گشتی هات.
بارزانی لە پیشوازیکردن لە سەرۆک و ئەندامەیل کۆمسیۆن، ئافەرین لە گشت ئەو تیپەیلە کرد کە سەرپەرشتیاری هەڵوژاردنەگە کردن، و پشتگیریکردن سەرۆک وەزیرەیل فیدڕاڵی و دەسەڵات دادوەری عراق لە ئەنجامدان هەڵوژاردن، و دووپات کرد کە ئی هەڵوژاردنە ئەرا هەرێم کوردستان وە گشت پەیمانەیل گرنگە.
سەرۆک هەرێم کوردستان وتیش؛ سەرکەفتن هەڵوژاردن لە ئەنجام رەنجەیل و دڵسووزی و هاوکاری کۆمسیۆن وەرد گشت لایەنەیل پەیوەندیدار لە هەرێم کوردستان هات، ئەو کارە کە سوپای گەرمیگ پیشکەشیان کرد و ئومید سەرکەفتن ئەرایان خوازێد.
لەلای خوەییش، کۆمسیۆن باڵای سەروەخوەی هەڵوژاردن پیرووزبایی لە نێچیروان بارزانی و هەرێم کوردستان کرد ئەرا سەرکەفتن هەڵوژاردن، و دەسخوەشی لە گشت دەنگدانەگە کرد، هەرلە سەرەتای هەڵمەت هەڵوژاردن تا ئەنجامدانی، کە دەنگدانیگ سەرکەفتی بوی، و یە یەکەمین جارە هەڵوژاردنیگ لە هەرێم کوردستان عراق وەبی توومارکردن سکاڵای سوور وەڕیەو بچوود.
