نێچیروان بارزانی یاد ساڵیاد جینۆساید کورد فەیلی کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو دووشەممە، یاد ٤٢ ساڵەی جینۆساید کورد فەیلی کرد.
بارزانی لە بەیاننامیگ وت: وەی بوونە یاد قوربانیەیل کورد فەیلی و گشت شەهیدەیل کوردستان کەیمن، درود لە گیان پاکیان.
وتیش: کوردەیل فەیلی پاڵپشتی شۆڕش و ماف گەل کوردستان کردن، و سەدان هەزار لەلیان کەفتنە وەر جینۆساید وەدەس رژیم وەرین عراق، و هەمیش کەفتنە وەر بارکردن و دەسنریا بان رەگەزنامەیان.
سەرۆک هەرێم کوردستان وتیش: لەو وەختە ک دادگای باڵای عراق ئی تاوانە وە جینۆساید داگە قەڵەم، داوا لە حکومەت فیدراڵی کەیمن کار ئەرا گلەوداین رەگەزنامەی کوردەیل فەیلی و زەۊەیلیان و چارەکردن گرفتەیل گیرهاتگیان بکەێد.
جی باسە ک رژیم سەدام حسێن ئەرا سی ساڵ هەزاران گەنجەیل کورد فەیلی بیسەروشۊن کرد، و هیمان چارەنۊسیان نادیارە، و مەزەنە هەس لە زیندانەیل گیانیان لەدەس دانە، یا زنیوەچاڵ کریانە.
