نێچیروان بارزانی سەردان باڵیۆزخانەی عراق لە ئیمارات کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە، لەناو سەردانەگەی ئەرا دەوڵەت ئیمارات سەردان باڵیۆزخانەی عراق لە ئەبو زەبی کرد.
سەرۆکایەتی هەرێم لە بەیاننامەیگ رەسیە ئاژانس شەفەق نیوز وت: لە چەوپیکەفتنەگە وەگەرد باڵوێز موزەفەر جبوری و کادر باڵیۆزخانەگە، باس لە پەیوەندیەیل ناوبەین عراق و ئیمارات کربا، و رەوشەیل مەردمەیل عراق لە ئیمارات، ک لەبان گرنگی ئەوزەڵکردن چینەیل هاوبەشی و هاوکاری لەناوبەین دوو وڵاتەگە دووپات کریا.
سەرۆک نێچیروان بارزانی پیرووزبایی لە باڵوێز و کادرەیل باڵیۆزخانەگە ئەرا کار و رەنجەیلیان ئەرا زیایکردن پەیوەندیەیل کرد، و ئومێد سەرکەفتن لە ئەرکەیلیان خوازێد.
لەلای خوەیانیش باڵوێز و کادرەیل باڵیۆزخانەگە باس لە خوەشحاڵی خوەیان ئەرا سەردانەگەی سەرۆک نێچیروان بارزانی ئەرا باڵیۆزخانەگە کردن.
نێچیروان بارزانی، رووژ جمعە، لە دوویەم سەردان فەرمی لەوەخت وەرگردن پۆست سەرۆکایەتی هەرێم کوردستان رەسیە ئەبو زەبی.. سەردانەگەی سەرۆک هەرێم ئەرا دەوڵەت ئیمارات، لە جیوەجیکردن مکیسیگ فەرمی لە شازادەی ئەبو زەبی تیەێد، ک ئەوەسا چەوی وە ئبین زاید کەفێد.
