نێچیروان بارزانی: سەرکەفتنمان لە هەڵوژاردن سەرکەفتنە ئەرا کوردستان
شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە، دووپات لە گرنگی هەڵوژاردن پەرلەمان هەرێم کوردستان کرد، ئەرا نووەوکردن شەرعیەت.
بارزانی لە وتاریگ لە بەشداریکردنی لەناو فیستواڵ هەڵوژاردنی ئەرا پارت دیموکرات کوردستان لە دهۆک پیشکەشی کرد، و ئاژانس شەفەق نیوز چەودیاریی کرد، وت: من و مەسرور بارزانی برام، و سەرکردایەتی پارت دیموکرات کوردستان لێرا بوی پارێزگای خوەیڕاگرە گردەو بویمن، ئەرا نووەوکردن پەیمان ئەرا رینمایی بارزانی نەمر و سەرکەفتن میژووی ترەک ئەرا پارت دیموکرات کوردستان توومار کەیمن.
وتیش: ئی هەڵوژاردنە فرە گرنگە ئەرا پارت دیموکرات کوردستان و ئەرا گشت خەڵک کوردستان.
دیاری کرد کە هەڵوژاردن ئەرا کوردستان ئەرا نووەوکردن شەرعیەت دامودەزگایلمان، و گرنگە ئەرا پارت دیموکرات کوردستان ئەرا ەەدەسهاوردن سەرکەفتن، چوینکە سەرکەفتن پارت دیموکرات کوردستان سەرکەفتنە ئەرا کوردستان.
هەمیش وت: پارتی مسۆگەر مافەیل گشت پیکاتەیل کوردستان کەێد،. مسۆگەرکردنە ئەرا بانانیگ رووشنتر ئەرا کوردستان.
وتیش: ناوچەگە پڕە لە ئاڵووزی و لەی ناوچە سەرکردایەتی هازداریگ و حزبیگ هازدار خوازیمن، و بیگومان ئی حزبە خوەی پارتیە، و ئی حزبە خوەی دیموکراتیە.
