نێچیروان بارزانی سەرەخوەشی وە مردن کوڕ نهرۆ کەسنەزانی کەێد
![نێچیروان بارزانی سەرەخوەشی وە مردن کوڕ نهرۆ کەسنەزانی کەێد](https://media.shafaq.com/media/arcella/1718545657444.jpg)
2024-06-16T13:48:01+00:00
شەفەق نیوز/ نێچیروان بارزانی، سەرۆک هەرێم کوردستان، ئمڕوو یەکشەممە، پەیام سەرەخوەشی ئەرا نهرۆ کەسنەزانی و بنەماڵەگی کلکرد، ئەرا مردن ناکاوی کوڕەگەی.
بارزانی لە پەیام پرسەگە وت: گەرمترین پرسە و سەرەخوەشی ئەرا بەڕێز شێخ نهرۆ کەسنەزانی ریبەر تەریقەت کەسنەزانی و خانەواد و کەسوکارەیل بەڕێزی پیشکەش کەم، وەو مردن ناکاوی کوڕیانە کە ئمڕوو وەسەریان هات.
وتیش: دڵم هاوەگەرد ئیوە لەی کەلەمەی سەختە، و هاوخەمیانم، و خوسەی قویل و هاوخەمی راسیگ ئەرایان دیرم، لە خودای گەورە داوا کەم سەبووری دڵ گشتی بەێد، و گیان رەحمەتی وە بەزەیی فراوانی بپووشێد، و بخەێدەی بەهەشت فراوانی.