نێچیروان بارزانی سەرەخوەشی وە مردن هونەرمەنیگ شانۆگەری کورد کەێد
2023-01-16T11:22:07+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو دووشەممە، پەیام سەرەخوەشی وە مردن هونەرمەن کورد عومەر چاوشین دەرکرد.
بارزانی لە بەیاننامەیگ رەسیە ئاژانس شەفەق نیوز وت: سەرەخوەشی لە بنەماڵە و برادەر و گشت هونەرمەنەیل سلێمانی و گشت کوردستان کەم وە مردن هونەرمەن کورد عومەر چاوشین، ک ژیانی وە خزمەت دراما و شانۆگەری بردە سەر، و هەمیشە کارەیل رەنگینی لە هویرمان مینن.
هونەرمەن عومەر چاوشین، دویەکە یەکشەممە، لە تەمەن ٨١ ساڵە دویاکووچی کرد، و چەن رۆڵیک شانوگەری ئەنجام داگە، و خوەی یەکەمین هونەرمەند کورد بوی ک لە فیلمیگ شانۆگەری دەور ژن بوەێد.
