نێچیروان بارزانی سەرەخوەشی وە مردن یەکیگ لە پیشمەرگە دێرینەیل کەێد
2023-09-24T12:45:20+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، سەرەخوەشی وە مردن یەکیگ لە جەنگاوەرە دێرینەیل لە پیشمەرگە کرد.
بارزانی لە بەیاننامەیگ رەسیە ئاژانس شەفەق نیوز وت: وە مردن پیشمەرگە و خەباتکار شوڕش ئەیلوول و گوڵان و راپەڕین رەحمەتی خدر محمد ئەمین ئاغا برای هەرلە شەهیدە ئازایل قارەمان فەتاح ئاغا و عەبدولڵا ئاغا و دکتۆر رزگار ئاغا، گەرمترین سەرەخوەشی لە بنەماڵە و برادەرەیلی کەم، و هاوخومیانم.
بارزانی وتیش: رەحمەتی بەش درویژیگ لە تەمەنی ئەرا خزمەتکردن پیشمەرگە پیشکەش کرد، و خوەی لە بنەماڵەیگ دڵسووز و خەباتکارە کە خزمەت کوردستان کردنە، و ئەرا ئەوە شەهید و قوربانیەیل پیشکەش کردنە، و زیان فرەیگ وەخوەیان دین، لە خودا داوا کەم بخەێدەی دروود فراوانی، و سەبووری گشتی بەێد.
