نێچیروان بارزانی سەرەخوەشی لە خیزان قوربانیەیل رویداو ری کەلار کەێد
2024-05-14T13:21:31+00:00
شەفەق نیوز/ نێچیروان بارزانی سەرۆک هەرێم کوردستان، سەرەخوەشی لە خیزانەیل دویەتە خوەنەوارەیل کرد کە وە رویداو هاتوچو لەبان ری کەلار گیانیان لەدەسدان.
بارزانی لە بەیاننامەیگ رەسیە ئاژانس شەفەق نیوز وت: ئەو رویداو دڵتەزنە خەفاتبارم کرد کە بویە هوکار کەفتن قوربانی و زەخمدار لە دویەتە خوەنەوارەیل قۆناغ ئامادەیی لەبان ری کەلار - کفری، وتیش: پرسە و سەرەخوەشی ئەرا کەسوکارەیل قوربانیەیل پیشکەش کەم و وەی کەلەمە هاوخەمیانم.
چوار دویەت خوەنەوار گیانیان لەدەسدان و هەفتیش زەخمدار بوین، ئمڕوو سێشەممە، وە رویداویگ هاتوچو لەبان ری ناوەین قەزای کەلار و قەزای کفری لە هەرێم کوردستان.
وەزارەت پەروەردە لە هەرێم کوردستان باس خەفەتی وەی رویداوە دڵتەزنە کرد.
