نێچیروان بارزانی پیرووزبایی وە سەرکەفتن هەڵوژاردەی تووپان عراق کەێد
شەفەق نیوز - هەولێر
نێچیروان بارزانی سەرۆک هەرێم کوردستان، ئمڕوو چوارشەممە، سەرکەفتن هەڵوژاردەی عراقی ئەرا کۆتاییەیل جام جەهانی 2026 وە مزگانییگ خوەش و دەسکەفتیگ میژوویی باسی کرد، و دووپات کرد کە مدوویگ شانازییە ئەرا گشت عراقییەیل.
و بارزانی لە بەیاننامەیگ پیرووزبایی وت: وەبوونەی سەرکەفتن هەڵوژاردەی عراقی ئەرا مۆندیال لە مەکسیک، دویای سەرکەفتنی لەبان هەڵوژاردەی بۆلیڤیا وە دوو گۆڵ وەرانوەر وە گۆڵیگ، گەرمترین پیرووزبایی پیشکەش وە گشت رووڵەیل گەل عراقی، و وەرزشوانەیل و بازیزانەیل هەڵوژاردەگە کەم.
وتیش: دەسکەفتە کە دویای چەوڕیکردنیگ ئەرا ماوەی (40) ساڵ وەدەس هات، مزگانییگ خوەشە و مدوو شانازییە ئەرا گشت عراقییەیل. دەس نەمە بان دەس گشت ئەندامەیل هەڵوژاردەگە کە وە مدوو تەقەلا و دڵسووزییان، خەون سەرکەفتن ئەرا مۆندیال کردنە راسییگ".
سەرۆک هەرێم کوردستان وتیش: "ئومید وەردەوامی سەرکەفتن ئەرا هەڵوژاردەی عراقی لە مۆندیال خوازم، و هیوادارم کە ئی سەرکەفتنە بوودە هاندەریگ ئەرا زیاتر لە تەبایی و خوەشییەیل ئەرا گشت لایگ".
