نێچیروان بارزانی پیرووزبایی وە رووژ لەداڵگبوین پەیغەمبەر کەێد
2023-09-27T06:19:20+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، پیرووزبایی ئەرا موسەڵمانەیل هەرێم کوردستان و عراق و جەهان پیشکەش کرد، وە بوونەی ساڵیاد لەداڵگبوین پەیغەمبەر.
نێچیروان بارزانی لە بەیاننامەیگ رووژنامەوانی رەسیە ئاژانس شەفەق نیوز وت: گەرمترین پیرووزبایی ئەرا گشت موسەڵمانەیل لە کوردستان و عراق و جەهان پیشکەش کەم، ئومید خوازم ئی ساڵیادە خوەشی و دڵنیایی وەگەرد خوەی بارێد، و ئاشتی و ئاسایش قایمتر بکەێد.
وتیش: لە خودای گەورە داوا کەم ئی ساڵیادە بکەێدە هاندەریگ کە پەیام ئاشتی و مرۆیی و چاکسازی و واتە و دێرینی هەزرەت پەیغەمبەر ئەرا کۆمەڵگای موسەڵمان و مرۆڤایەتی کلەو بکەێد، و رویمان وەرەو ئیرنگە و بانانیگ خاستر بخەێد.
