نێچیروان بارزانی پیرووزبایی جەژن قوربان لە کوردستانیەیل و عراقییەیل کەێد
2024-06-15T16:36:34+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە، پیرووزبایی لە خەڵک هەرێم کوردستان و عراق کرد، وە بوونەی جەژن قوربان.
بارزانی لە بەیاننامەیگ رەسیە ئاژانس شەفەق نیوز وت: وە بوونەی هاتن جەژن قوربان پیرووز، وە گەرمی پیرووزبایی لە گشت هاوڵاتیە دووسەیل کوردستان و گشت موسوڵمانەیل لە عراق و جەهان کەم، و ئومید خوازم بوودە جەژن خێر و خوەشی ئەرا گشتی و بوودە مایەی ئارامی و دڵنیایی، و داوای بیوەیی و هوچانیگ خوەش ئەرا گشتی کەم.
وتیش: با وەی بوونە رەسینەوە و واتەیل جەژن نووەو بکەیمن، لە گەردنازایی و وەخشین و ئاشتەوبوین لە ژیان رووژانەمان و پەیوەندییەیلمان، و لاپەڕەی نوویگ پڕ لە رێز و دووسی و نیازپاکی و هاوکاری ناوەین خوەمان واز بکەیمن، چەو خودا وە خاک و گەل ئیمەو بوود، جەژن پیرووز و گشت ساڵیگ وە خێر.
