نێچیروان بارزانی ئەرزشدار دەور زانایل ئاین ئیسلامی کەێد لە نواگردن تونەڕوی
شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، بەیاننامەیگ ئەرا یەکیەتی زانایل ئاین ئیسلامی دەرکرد، وە بوونەی رەدبوین ٥٢ ساڵ لە دامەزرانی.
سەرۆک نێچیروان بارزانی لە بەیاننامەیگ وت: لە پەنجا و دویەم ساڵیاد دامەزران یەکیەتی زانایل ئاین ئیسلامی لە کوردستان، پیرووزبایی گەرمم ئەرا بەڕیزەیل سەرۆک و ئەندامەیل نویسینگەی جیوەجیکردن یەکیەتی زانایل و پیاوەیل ئاین وەگشتی پیشکەش کەم، و ئومید سەرکەفتن ئەرایان خوازم.
وتیش: لەی ساڵیادە وو ریز وسوپاس نووڕیمنە خەبات و رەنج زانایل لە گشت قوناغەیل شۆڕش و ئازادی، وسڵاو لە گیان پاک شەهیدەیل یەکیەتی زانایل کەیمن، و دەور وپایەی گیان پاک شەهیدەیل و زانایل ئاین لە کۆمەڵگای کوردستانی وەبەرز نرخنیمن تایبەت لە ئەوزەوڵکردن وەیەکەوژیان و وەخشین و نواگردن تونەڕوی.
سەرۆک هەرێم کوردستان هەمیش وت: پیرووزبایی لە یەکیەتی زانایل ئاین ئیسلامی ئەرا کارەیل و تەقەلایلیان کەیمن ئەرا ئەنجامداین ماف و شایستەی زانایل ئاین و پاڵپشتی تەواویمان ئەرا خزمەتکردن و خاسەوکردن رەوشەیل ژیان زانا و پیاوەیل ئاین نشان دەیمن.
