نێچیروان بارزانی گردەوبۊن چوار سەرۆکایەتی ئەرا باسکردن لە بڕیار دادگای فیدراڵی کەێد
2022-02-27T09:59:45+00:00
شەفەق نیوز/ بڕیارە نێچیروان بارزانی سەرۆک هەرێم کوردستان، سوو دووشەممە، گردەوبۊنیگ ئەرا چوار سەرۆکایەتی هەرێم کوردستان بگرێدە خوەی، ئەرا باسکردن لە نشانەیل بڕیار دادگای فیدراڵی دۊایین لەباوەت نەفت وگاز.
دڵشاد شەهاب راوێژکار لە سەرۆکایەتی هەرێم ئەرا ئاژانس شەفەق نیوز وت: چوار سەرۆکایەتی هەرێم کوردستان (سەرۆکایەتی هەرێم، حکومەت، پەرلەمان، ئەنجومەن دادوەری باڵا) ئەوەسا لە گردەوبۊنەگە بەشدار بوون، تا باس لە کارگەریەیل ئی بڕیارە بکەن، و جیوەجیکردن ئەوەگ لەی باوەتە گرنگە.
هەرلیوا، گردەوبۊنیگ تر ئمڕوو لە پەرلەمان کوردستان ئەرا شاندیگ لە هەرێم کوردستان وەگەرد وەرپرسەیل فراکسیۆنە سیاسیەیل پەرلەمان ئەنجام دریا ئەرا باسکردن لە باوەت بڕیار دادگای فیدراڵی لە پۊچەڵکردن یاسای نەفت و گاز لە هەرێم.
