نێچیروان بارزانی ئەرا وەزیر وەرگری ئیتاڵیا: کوردستان پابەندە وە قویلەوکردن پەیوەندییەیل وەرد وڵات ئیوە
شەفەق نیوز/ نێچیروان بارزانی سەرۆک هەرێم کوردستان، شەوەکی ئمڕوو، پیشوازی لە کویدو کروسیتۆ وەزیر وەرگری ئیتاڵیا کرد، کە لە بەغداد پایتەختەو ئەرا هەولێر پایتەخت هەرێم کوردستان هات.
سەرۆک نێچیروان بارزانی لە بان پلاتفۆرم ئێکس نویسان: خوەشاڵ بویم کە جاریگ ترەک پیشوازی لە وەزیر وەرگری ئیتاڵیای برادەرم لە هەولێر بکەم.وتیش: هەرێم کوردستان هەر پابەند مینیێد وە قویلەوکردن پەیوەندییەیل وەرد ئیتاڵیا و قایمکردن ئاشتی و ئارامی لە گشت ناوچەگە.سەرۆک هەرێم کوردستان وتیش: دووارە سوپاس لە گەل و سەرکردایەتی ئیتاڵیا کردم ئەرا پشتگیریکردن وەردەوامیان لە جەنگ دژوە داعش.ئیوارەی دویەکە، وەزیر وەرگری ئیتاڵیا وە سەردانیگ فەرمی ئەرا عراق رەسیە بەغداد پایتەخت.وەزیر وەرگری عراق سابت محمد عەباسی لە بارەگای وەزارەتەگەی بە بەغداد پایتەخت، پیشوازی لە هاوشێوەی ئیتاڵی کرد وەگەرد نیکولۆ فونتانا باڵیۆز وڵاتەگە لە عراق و شاند یاوەریان.
