نێچیروان بارزانی: ئەرا جەنگ چەکداری گلەو نیەخوەیمن
نێچیروان بارزانی لە میوانیکردنی لە پەراویز دیدار ساڵانەی هەولێر وت: فرە لە ناکۆکی لەناو هەرێم کوردستان هەس، باوجی گشت ئی ناکۆکییەیلە سیاسیە، و بیگومان رویوەڕیوبوین چەکدار لە عراق نیەوود.
وتیش: دوو حزب کوردی یە ماوە درویژیگە واز لە رویوەڕیوبوین هاوردنە، و کوردستان دی ئەرا ماوەیل جەنگ سەربازی چەکداری گلەو نیەخوەێد.
نێچیروان بارزانی وتیش: بانان ئەرا هەرێم کوردستان رووشنە، و پیکاتەی هەرێم کوردستان وە دەستوور عراقی چەسپیاگە، و ئەرا قۆناغ وەرجە دەستوور گلەو نیەخوەیمن، هەرچەن جدییگ لە جیوەجیکردنی وەشیوەیگ تەواوی وەلایەن بەغداد نەیمنە، و دووپات کرد ک جیوەجیکردن فیدڕاڵی لە عراق دویارووژیگ خاستر ئەرا وڵاتەکە مسۆگەر کەێد.
وتیش: ململانەی سیاسی لەناو هەرێم کوردستان شەکەت گشتی کرد، وەتایبەت گەلەگە، و ئیسە مەوقەی چارەکردن گرفتەیل هات، و بایەتە وەگەرد یەکێتی چارەسەر بکریەێد، و داوا لە یەکێتی و تیم حکومەتیی کرد باێدەو ئەرا گردەوبیونەیل ئەنجومەن وەزیرەیل هەرێم کوردستان، ک وت: ئیمە نیگەرانیمن لەی رەوش ئیسە.
