نێچیروان بارزانی رۆل کونسۆل تورکیا لە ئەوزەڵداین پەیوەنیەی ناوەین هەولێر و ئەنقەرە بەرز نرخان
2024-02-21T13:27:53+00:00
شەفەق نیوز/ سەرۆک هەرێم کوردستان نێچیروان بارزانی، ئمڕوو چوارشەممە، دەور کونسۆل تورکیا لە هەولێر ئەرا ئەوزەڵداین وە پەیوەنیەیل وڵاتەگەی و هەرێم بەرز نرخان.
سەرۆکایەتی هەرێم لە بەیاننامەیگ رەسیە ئاژانس شەفەق نیوز وت، بارزانی نیمەڕوو ئمڕوو، پیشوازی کرد لە کونسۆل گشتی تورکیا لە هەرێم کوردستان محەمەد مەولود یاقوت، سەردان سەرۆک کرد ئەرا ماڵئاوایی کردن وەبوونەی تەواوبوین ئەرکەگەی.
بارزانی لە دیدارەگەی کارەیل یاقوت بەرز نرخان و سوپاسی کرد ئەرا تەقەلایلی ئەرا ئەوزەڵداین وە پەیوەنیەگان وڵاتەگەی وەرد هەرێم کوردستان، هیوای سەرکەفتن لە ئەرک و پیشە نووەگەی خوازی.
لەلای خوەیشەو، کونسۆل تورکیا سوپاس و پێزانین خوەی کرد ئەرا پاڵپشتیەگەی نێچیروان بارزانی و لایەنە پەیوەنیدارەیل هەرێم کوردستان لە سەرکەفتن ئەرکەگەی، خوەشحاڵی خوەی نیشاندا ئەرا کارکردنی لەو ماوەی گوزەشتە لە هەرێم کوردستان.
