نێچیروان بارزانی پیرۆزبایی جەژن هەڵسیان "قیامەت" مەسیحیەیل کەێد: کوردستان جویر وڵاتیگ فرەکلتوور و وەیەکەوژیان مینێد
بارزانی لە بەیاننامەیگ رەسیە ئاژانس شەفەق نیوز وت، "وە بوونەی جەژن قیامەی حەزرەت مەسیح(د.خ) وە گەرمی پیرۆزبایی لە هاوڵاتیەیل مەسیحی کوردستان و عراق و جەهان کەم، هیوای جەژنیگ ئاسوودە ئەرایان خوازم و وەرد خوەیا ئاشتی ئەرا جەهان و مرۆڤایەتی بارێد".
وتیش "لەی جەژن پیرۆزە، دووپاتکەیمن کوردستان جویر وڵاتیگ فرەکلتوور و پیکەوەژیان و یەکتر قبوڵکردن و لێبوردەیی ئەرا گشت ئاینەیل و نەتەوەیل مینێد، لە پێناوی کار و کوشانمان وەردەوام بوود".
بارزانی وتیش: "با ئێ جەژنە بکەینە دەرفەتیگ ئەرا پتەوکردن برایەتی و یەک رزی و و تەبایی ناوین گشت پێکهاتەیل کوردستان، وەرد یەک وە گیان وەرپرسیارەتی هاوبەش ئەرکەیلمان وە رانوەر وە وڵات و پاراست ماف و دەسکەفتە دەستووریەیل هەرێم کوردستان وەجی باریمن، دەس لەناو دەس یەکتر کاربکەین لە پێناو ئایندەیگ خاستر ئەرا رۆلەیل ئایندە".
