نێچیروان بارزانی دووپات لە گرنگی گردەوکردن بەڵگەیل "میژوو کوردستان" لەلای دەوڵەتەیل جەهان کەێد
شەفەق نیوز/ نێچیروان بارزانی سەرۆک هەرێم کوردستان، لە پیشوازیکردن بڕیگ لە نویسەر وروشەنهویرەیل کورد ئیران، ئمڕوو یەکشەممە، دووپات لە گرنگی گردەوکردن بەڵگە و بەڵگەنامەیل میژوو کوردستان وشۆڕشەیلی لە ئەرشیف دەوڵەتەیل هاوسا و جەهان کرد.
سەرۆکایەتی هەرێم کوردستان لە بەیاننامیگ رەسیە ئاژانس شەفەق نیوز وت: بارزانی ئمڕوو پیشوازی لە بڕیگ لە نویسەر و ئەکادیمیایی وروشەنهویرەیل لە کوردستان ئیران کرد، ک ئەرا بەشداریکردن لە کۆنگرەی ناسانن وە زنجیرەی کتاوەیل دیکۆمێنتاری دەربارەی شۆڕشەیل بارزان سەردان هەولێر کەن، ک دویەکە وەڕیەو چگ.
بەیاننامەگە وتیش: بارزانی بیجگە وەخیرهاتن گەرمی لە شاندەگە، دووپات لە ئەوزەڵکردن پەیوەندیەیل ناوبەین هەرێم کوردستان وئیران کرد لە لایەنەیل روشنهویری، وئومید بتەوکردن پیەڵەیل پەیوەندی روشنهویری ناوبەین دوو گەل ودوو وڵات برادەر وەشیوەیگ گەورەتر خوازێد.
بەیاننامەگە وتیش: لە دیدارەگە باس نویسانن وئەدەبیات کوردی وجویلەی چاپکردن وبڵاوکردن کوردی لە هەرێم کوردستان و ئیران کریا، وەگەرد بڕیگ لە باوەتەیل ئی چینە.
بەیاننامەگە دیاری کرد ک، لە دیدارەگە هەمیش رووشنایی خریا بان تەقەلایل گردەوکردن بەڵگە و دیکۆمێنتەیل ک پەیوەندی وە میژوو کوردستان وشۆڕشەیلی دیرن لە ئەرشیف دەوڵەتەیل هاوسا و جەهان، ولەی باوەتە ئەرزشدار بەرزیگ لە کار وتەقەلایل پەیمانگای کوردستان لە تەهران وبەڕێز بەهرام وەلدیکی لە چاپکردنی کریا.
بەیاننامەگە وتیش: شاندە میوانەگە باس لە رێز خوەی ئەرا نووڕین گونجیاگ و تەقەلایل سیاسی و دیبلۆماسی کرد ک سەرۆک هەرێم کوردستان لە ئاست هەرێم کوردستان و عراق و ناوچەگە دەێدەی، وئومید سەرکەفتن ئەرای خوازین.
