نێچیروان بارزانی دووپات لە ئارەزوو هەرێم کوردستان ئەرا فراوانکردن پەیوەندیەیل وەرد فەرەنسا کەێد
2023-11-27T10:20:40+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو دووشەممە، پیشوازی لە جان برێم قونسوڵ نوو فەرەنسا لەلای هەرێم کوردستان کرد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی دووپات لە پاڵپشتیکردن تەواو لایەنەیل پەیوەندیدار لە هەرێم کوردستان ئەرا سەرکەفتن ئەرکەیلی کرد، هەمیشە ئارەزوو هەرێم کوردستان ئەرا فراوانکردن پەیوەندیەیل وەرد فەرەنسا نووەو کرد.
لەلای خوەییش، قونسوڵ فەرەنسا باس دڵخوەشیی وە کارکردنی لە هەرێم کوردستان کرد، و دووپات کرد لەبان بتەوکردن برادەری و پەیوەندیەیل و هاوکاری ناوەین وڵاتەگەی و هەرێم کوردستان لەگشت چینیگ، و دووپات لە پابەندبوین فەرەنسا وە پاڵپشتیکردن هەرێم کوردستان کرد.
لە باوەتەیل ناو دیدارەگە، هەردوگ لایەنەگە باس نووڕینیان لە دویاترین پیشهاتەیل ناوچەگە کردن.
