نێچیروان بارزانی دووپات لە پاڵپشتیکردنی ئەرا قونسوڵ نوو تورکیا لە هەولێر کەێد
2022-12-13T10:16:04+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، دووپات لە پاڵپشتیکردنی ئەرا قونسوڵ نوو تورکیا لەلای هەرێم کوردستان کرد تا لە ئەرکەیلی سەربکەفێد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: نێچیروان بارزانی سەرۆک هەرێم کوردستان، ئمڕوو، پیشوازی لە قونسوڵ نوو تورکیا لەلای هەولێر کرد، و دیاری کرد ک بارزانی پیرووزبایی لە ممەت مەولوود یاکوت قونسوڵ نوو تورکیا کرد، وە بوونەی وەرگردن پۆست نووی، و ئومید سەرکەفتن ئارای خوازێد.
بەیاننامەگە وتیش: قونسوڵ تورکیا باس خوەشهاڵیی وە وەرگردن پۆست قونسوڵ لەلای هەرێم کوردستان کرد، و ئومید خوازێد بتوەنێد پەیوەندیەیل دووانی ناوبەین هەرێم کوردستان و تورکیا قایم بکەێد.
وەگورەی بەیاننامەگە رەوشەیل گشتی ناوچەگە و باوەتەیلیگ ک لەلای هەردوگ لایەنەگە گرنگن لەناو ئەو دیدارە باس کریا.
