نێچیروان بارزانی داوا لە سەدر کەێد بەشداری لە حکومەت سودانی بکەێد

شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، داوای بەشداریکردن ڕەوت سەدر لە حکومەت ئیسە وە سەرۆکایەتی محمد شياع سودانی کرد.

نێچیروان بارزانی لە وتاریگ لە پەراویز میوانیکردنی لە دیدار میری ئەرا کاروبار خوەرهەڵات ناوڕاس وت: هەسی ڕەوت سەدر لە کار سیاسی کاریگ گرنگە و بایەتە حکومەت گشت تەقەلایگ بیەێد ئەرا رازیکردن برایلمان لە ڕەوت سەدر تا بوونە دەسمیەتدەر و بەشدار لە حکومەت.

وتیش: رۆل و پایەی رەوتەگە و ریبەری سەید موقتەدا سەدر لە کار سیاسی گرنگ و سەرەکیە، و ئومید لە سەید سەدر خوازیمن بەشداری لە کار سیاسی بکەن، و بوونە دەسمیەتیدەر لە سەرکەفتن حکومەتەگە، و دووپات کرد ک پاڵپشتیکردن ئی حکومەتە ئەرک گشتمانە.