نێچیروان بارزانی دانوسەنین سیاسی و بازرگانی وەرد قونسوڵەیل ئەڵمانیا و میسر ئەنجام دەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، پیشوازی لە هەرلە کالبریشت فۆن فیتکە قونسوڵ گشتی نوو ئەڵمانیا، و بالیوز محمود فاروق قونسوڵ نوو وڵات میسر لە هەولێر کرد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: قونسوڵ گشتی ئەڵمانیا پیرووزبایی وە سەرکەفتن هەڵوژاردن پەرلەمان کوردستان کرد، و ئافەرین لە بەشداریکردن بەرز لە دەنگدان کرد، و نێچیروان بارزانی باس گامەیل دروسکردن حکومەت نوو کرد.
هەردوگ لایەن دووپات لەبان گرنگی قایمکردن پەیوەندییەیل ناوەین ئەڵمانیا و عراق و هەرێم کوردستان کردن، وەتایبەت لەو چینەیلە کە گرنگی تایبەت لەلای هەرێم کوردستان دیرن، و سەرۆک نێچیروان بارزانی سوپاس لە پاڵپشتیکردن وەردەوام ئەڵمانیا ئەرا عراق و هەرێم کوردستان.
پەیوەندییەیل ناوەین هەولێر و بەغدا، رەوشەیل ئیسە و سەختیەیل ناوچەگە، لەناویان گەشەی رەوشەیل خوەرهەڵات ناوڕاس باوەتەیلیگ ترەک بوین لەناو دیدارەگە.
هەرلیوا، نێچیروان بارزانی سەرۆک هەرێم کوردستان، لە دیداریگ وەرد بالیوز مەحمود فاروق یوسف، قونسوڵ گشتی نوو کۆمار میسر لە هەرێم کوردستان، باس پشتگیریکردن تەواو هەرێم کوردستان کرد ئەرا سەرکەفتن ئەرکەیلی.
هەردوگ لایەن دووپات لە ئارەزوو هاوبەش کردن ئەرا قایمکردن پەیوەندییەیل دووانی و هاوکاری هاوبەش لە جویراجویر چینەیل، وەتایبەت لە چین بازرگانی، کە باس شیوەیل قایمکردن گواستنەوەی بازرگانی ناوەین هەرێم کوردستان و کۆمار میسر کریا.
هەڵوزاردن لە هەرێم کوردستان، و رەوشەیل عراق و ناوچەگە وەگشتی، باوەتەیلیگ ترەک بوین لەناو دیدارەگە.
