نێچیروان بارزانی: دەسەڵاتداری یاساییم ئەرا دیاریکردن مەوقەی هەڵوژاردن وەکار هاوردم
ئەوەیش لە وتاریگ ئەرا رووژنامەوانەیل هات لە پەراویز وازکردن موزەخانەی بارزانی لە ناوچەی بارزان، وە ئامادەبوین سیاسی فراوان گەورەیگ لە ئاست هەرێم کوردستان وگشت عراق.
سەرۆک نێچیروان بارزانی وت: دەسەڵاتداری یاسایی ئەرا دیاریکردن مەوقەی هەڵوژاردن پەرلەمان لە هەرێم کوردستان وەکار هاورد، و لەبان پەرلەمان مەنیە کار کۆمسیۆن باڵای هەڵوژاردن و ریفراندۆم گورجەو بکەێد.
وتیش: ئیمە چەوەڕی جیوەجیکردن ئەو گامەیلە کەیمن، دویای ئەوە ک لایەنەیل کوردستانی بانگواز ریبەر کورد مەسعود بارزانی جیوەجی کردن، ئەرا دانیشتن لەبان مێز گفتوگۆ لەی رووژەیل بانانە، ئەرا وەپشتسەرنان ناکۆکیەیل وە جیوەجیکردن هەڵوژاردن لە مەوقەی دیاریکریاگ خوەی.
سەرۆک هەرێم کوردستان باس رێککەفتن سیاسی ناوبەین لایەنەیل هاوپەیمان وەڕیەوبردن دەوڵەتەگە کرد، ک رەسیە دروسکردن حکومەت فیدڕاڵی ئیسە وە سەرۆکایەتی محمد شیاع سودانی، و نێچیروان بارزانی وت: هەردوگ حزب پارتی و یەکێتی لەناو ئی هاوپەیمانە هاوبەشن و بیگومان ئیمەی هیزەیل سیاسی کوردستانی وەیەکەو توەنیمن زیاتر مافەسل گەل کوردستان وەدەس باریمن.
نێچیروان بارزانی هەماهەنگی ناوبەین دوو خوەی کورد سەروکی و ئەو هیزەیل سیاسی لەناو هاوپەیمان وەڕیەوبردن دەوڵەتەگە وە خاس دانا.
سەرۆک نێچیروان بارزانی وتیش: ئومید خوازم وەرز نوویگ لە هەرێم کوردستان لە رێککەفتن و لەیەکڕەسینەوە و کار هاوبەش وەچەو بوینیمن، ئەرا خزمەتکردن کوردستان و گشت عراق.
