نێچیروان بارزانی: دەرفەت ئەرا چارەکردن گرفتەیل عراق هەس
2022-12-14T08:36:18+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، دووپاتکردن لەبان ئەوە دووارە کرد ک هەرێم کوردستان پاڵپشتی حکومەت فیدڕاڵی نوو و محمد شیاع سودانی سەرۆک ئەنجومەن وەزیرەیل نووی کەێد.
سەرۆک نێچیروان بارزانی وت: دەرفەت ئەرا چارەکردن گرفتەیل وڵاتەگە وە پاڵپشتیکردن لایەنەیل بەشدار لە حکومەت فیدڕاڵی هەس.
هەمیش باس هاوکاری و کار هاوبەش ناوبەین لایەنەیل سیاسی لە هەرێم کوردستان کرد ئەرا چارەکردن ناکۆکیەیل و باوتەیل گیرهاتگ ناوبەین هەولێر و بەغدا وە کار گرنگیگ کرد.
ئەوەیش لە پیشوازیکردنی لە مارک برایسون باڵیوز بەریتانیا لەلای عراق و شاند یاوەری هات، وەگورەی بەیاننامەیگ وەلایەن سەرۆکایەتی هەرێم کوردستان.
