نێچیروان بارزانی خوەشهاڵی خوەی وە سەردانەگەی ئۆردوگان ئەرا عراق و هەرێم کوردستان نشان دەێد
2024-04-22T11:19:37+00:00
شەفەق نیوز/ سەرۆک هەرێم کوردستان نێچیروان بارزانی، ئمڕوو دووشەممە، سەردانەگەی سەرۆک تورکیا رەجەب تەیب ئۆردوگان ئرا بەغداد وە "مێژوویی" وەسف کرد، لەهەمان وەخت وەخێرهاتنی کرد ئەرا سەردانەگەی هەولێر و گفتوگوکردن باوەت دۆسیە گرنگەیل.
نێچیروان بارزانی لە تویتیگ لەبان پێگەی X راگەیان، سەردانەگەی سەرۆک رەجەب تەیب ئۆردوگان ئەرا بەغداد و هەولێر مێژووییە لە وەختیگ هەستیارە کە ناوچەگە وەپی رەدبوود.
وتیش لە سەردانەگەی رووشنایی خەێدە بان پەیوەنی سیاسیە و ئابووری و ئەمنیەیل بەهێز ناوەین عراق و هەرێم کوردستان وەگەرد تورکیا.
وتیش؛ ئیمە وە ئومید پیشوازیکردن لە سەرۆک ئۆردوگان لە هەولێر و گفتوگوکردن لە باوەتەیل گرنگ، لەوانەش ئاشتی و سەقامگیری و بوژانەوەی ئابووری.
