نێچیروان بارزانی: حکومەت عراق هاوەردەم ئەرکیگ ئەخلاقی لە قەرەبۊکردن کەسوکار ئەنفالکریایەیل
شەفەق نیوز/ نێچیرڤان بارزانی سەرۆک هەرێم کوردستان ، ئمڕوو پەنجشەممە، لەیاد ئەنفال، لە بەیاننامیگ وت: بایەتە حکوومەت فیدراڵی عراق قەرەبۊ لەلیقومیاگ و کەسوکار ئەنفاڵکریاگەیل بکەێد.
سەرۆک هەرێم کوردستان لە بەیاننامیگ رەسیە ئاژانس شەفەق نیوز وت، " ئمڕوو یاد چواردەی نیسان کەەمن و ڕێز لە 182 هەزار هاوڵاتی بی تاوان کوردستان دانەیمن، ئیمە درود ئەرا گیان پاک شەهێدەیلمان بەیمن ک لەساڵ 1988 لە یەکیگ لە قێزەوەنترین تاوانەیل مێژوو گیان لە دەسدان، ک دەسڵاتدارەیل عراقی ئێ کردەوەی کۆمەڵکوشیە وەرانوەریان ئەنجامدان.
وتیش، ئه‌نفال وه هه‌شت قۆناغ کریایە شمارەیگ فرە ناوچه‌یل هه‌رێم كوردستان گردیە، تا هەمیشە جۊر لەکەی سیایگ ها لە تیوڵ مێژوو و ئه‌نجامده‌رەیلی و وەرپرسیارەتی گشت مرۆڤايه‌تييه ک هه‌رگيز ری نەێدە ئی تاوانەیلە له هۊچ شۊنیگ لەبان زەۊ دوارەو بوود و وه گشت شیوەیگ ری لەلی بگرێد".
وت؛ "له وەختیگ هه‌رێم كوردستان وه دۆخیگ هه‌ستيار ڕەدبوود، خاسترین ياد و به‌رزڕاگردن ياد شه‌هيدەیل ئه‌نفال و ته‌واو شه‌هيدەیل كوردستانە، ته‌بايى و وەگەرد یەکبۊن و يه‌كڕزی هێز و لايه‌نه كوردستانيەیل و پێكهاته‌یلیان وەخاتر مسۆگه‌ركردن و مقیەتیکردن مافه ده‌ستوورييه‌یل و قه‌واره‌ى سياسى و فيدراڵى و ئایندەی هه‌رێم كوردستان".
سەرۆک هەرێم کوردستان وتیش؛ "له وەختیگ دادگای باڵای تاوانه‌یل عراق، ئه‌نفال وه جینۆساید و تاوانیگ دژ مرۆڤایه‌تى و تاوان جه‌نگ ناسان، ئیمە لەی ياده داواكارين و دووپات کەیمن ک حكوومه‌ت فيدراڵی عراق هالە نوای ئه‌ركیگ ياسايى و ئه‌خلاقى و مرۆیی ئەرا ئەوەگ قه‌ره‌بۊ لێقه‌ومیاگەیل و كه‌سوكار ئه‌نفالكریاگەیل بکەێد تا بڕیگ له زەخمەیل تیمار بوون".
نێچیرڤان بارزانی باسکرد "له هه‌رێم كوردستانيش بایەتە هه‌رچەگ له توانا بوود خزمه‌ت خاستریگ خانه‌واده و كه‌سوكار ئه‌نفالكریاگەیل بكریەێد و تەقەلایلە ئەرا ئاوه‌دانكردن ناوچه ئه‌نفالكریاگەیل و گلەوداین رووفات شه‌هيدەیل وه‌رده‌وام بون، و لەبان ئاست ناوده‌وڵه‌تيش له تەقەلاگانمان وه‌رده‌وام بمینین ئەرا ناسانن ئه‌نفال جۊر جينۆسايد".
