نێچیروان بارزانی: جیوەجیکردن رێککەفتن ناوەین بەغدا و هەولێر دەسمیەتی دەێد لە گونجانن رەوشەیل شنگال
نویسینگەی ڕاگەیانن سەرۆک هەرێم لە بەیاننامەیگ رەسیە ئاژانس شەفەق نیوز وت؛ “ئیوارەی رووژ جمعە نێچیروان بارزانی سەرۆک هەرێم کوردستان وەگەرد تۆبیاس لیندنەر وەزیر دەرەوەی ئەڵمانیا گردەو بوی”.
نویسینگەگە لە بەیانامەگە وتیش “هەردوگلا دووپات لە گرنگی پەرەپێدان پەیوەندییەیل ئەڵمانیا وەرد عراق و هەرێم کوردستان و فراوانکردن هاوکارییەیل ناوان هەردوگ وڵات کردن، هاوڕابوین لەبان ئەوە کە سەقامگیری ئەمنی و سیاسی لە عراق و هەرێم کوردستان ئەراک گشت ناوچەگە گرنگە."
وەگورەی بەیاننامەگە؛ وەزیر دەرەوەی ئەڵمانیا دووپات لەوە کرد کە "وڵاتەگەی گرنگی فرەیگ وە رەوش عراق دەێد و وەردەوامیش لە پاڵپشتیکردن عراق و هەرێم کوردستانە".
لەلای خوەییش، بارزانی سوپاس و پێیزانین خوەی ئەرا "ئەڵمانیا نشان دا ئەرا وەردەوامی پاڵپشتیکردن عراق و هەرێم کوردستان، و دەسخوەشی لە ڕۆڵ هیزەیل ئەڵمانیا لە هاوپەیمانی ناودەوڵەتی دژ داعش کرد".
لە بەیاننامەگە وتیش"هەردوگلا زوور لەبان خاسترکردن رەوش شنگال و ئێزیدییەیل کردن.
لەی باوەتە نێچیروان بارزانی دووپات لەوە کرد کە جیوەجیکردن ڕێککەفتن ناوەین حکومەت فیدراڵی و حکومەت هەرێم کوردستان ئەرا ئاساییکردنەوەی رەوش شنگال دەسمیەتی ئێزیدییەیل دەێد لە گلەوخواردن ئەرا شنگال و ئاوەدانکردنی”.
رەوشەیل ناوخۆ و هەڵوژاردنەیل هەرێم کوردستان باسیگ ترەک ناو دیدارەگە بوی گ، و بارزانی دووپاتیش کرد کە “هەرێم کوردستان پابەندە وە ئەنجامدان هەڵوژاردن وەی زویە”.
