نێچیروان بارزانی تاجە گوڵینە دانێد لەبان شوین قوربانیەیل 1 شوبات
2024-02-01T14:40:25+00:00
شەفەق نیوز/ قسەکەر فەرمی سەرۆکایەتی هەرێم کوردستان، دڵشاد شەهاب، ئمڕوو پەنجشەممە، تاجە گوڵینە دانا لەبان شوین قوربانیەیل1 شوبات لە شار هەولێر پایتەخت هەرێم کوردستان.
یەیش وە ناو سەرۆک هەرێم کوردستان نێچیروان بارزانی هات وەپای بەیانامەیگ سەرۆکایەتی هەرێم بڵاویکردو رەسیە ئاژانس شەفەق نیوز.
لە بەیاننامەگە هاتیە "لە مەراسیمەگە سەرۆک حکومەت هەرێم مەسرور بارزانی بەشداریکرد وەگەرد شمارەیگ لە وەزیر و وەرپرسەیل هەرێم کوردستان و کەسوکارەیل شەهیدەیل.
لە یەک شوبات گشت ساڵیگ کوردستان رێز نەێد، وەبوونەی ساڵیاد رویداوەگەی یەک شوبات، کە لە یەکەم رووژ جەژن قوربان بوی کە تیرۆرستەیل لە ساڵ 2004 لە ری دوو تەقینەوەی خوەیکوشی لە هەولێر هەردووگ حیزب پارتی دیموکراتی کوردستان و یەکێتی نیشتیمانی کوردستان کردنە ئامانج.
لە ئەنجام رویداوەگە زیاتر لە 100 وەرپرس و مەدەنی کوشیا نزیکەی 250 کەس ترەک تویش زەخمداری جویراوجویر بوی.
