نێچیروان بارزانی تەلەفۆن بافڵ تاڵەبانی کدێد ودووپات لە مقەیەتیکردن فیدراڵی لە عراق کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، دووپات کرد لەبان گرنگی مقەیەتیکردن فیدراڵی لە عراق، وگرنگی مقەیەتیکردن پیکاتەی دەستووری لە هەرێم.
نویسینگەی راگەیانن سەرۆکایەتی هەرێم کوردستان وت: بارزانی پەیوەندی تەلەفۆنی وەگەرد بافڵ تاڵەبانی سەرۆک یەکێتی نیشتمان کوردستان کرد، وەبوونەی چل وهەفتەمین ساڵیاد دامەزریان یەکێتی، وپیرووزبایی لە سەرکردە وئەندامەێم وجەماوەر حزبەگە کرد.
بارزانی دەسخوەشی لەو دەور کاریگەرە ئەرا یەکێتی نیشتمان کوردستان و رەحمەتی سەرۆک مام جەلال لە بزووتنەوەی ئازادیخواز کوردستانی کرد، ویاد گشت خەباتکارەیل وپێشمەرگەیل قارەمان کرد، ک خەبات کردن و قوربانی لەڕز یەکێتی نیشتمان کوردستان ئەرا ئازادی پێشکەش کردن.
و جەخت کرد لە گرنگی کار هاوبەش ویەکگردن ودووسی ویەکڕزی گشت لایەنەیل کوردستانی ئەرا مقەیەتیکردن فیدراڵی وپیکاتەی سیاسی هەرێم کوردستان ومافەیل دەستووری گەل کوردستان، ودەور یەکێتی لەی باوەتە وە گرنگ وگورج دانا.
لەلای خوەییش، بافڵ تاڵەبانی باس لە سوپاس ورێز خوەی ویەکێتی ئەرا پیروزبایی بارزانی وپەیوەندیە تەلەفۆنیەگەی کرد، و تەقەلای ئەرا یەکڕزی لایەنەیل سیاسی وگردەوکردنیان وە گران ئەرزشدار کرد.
