نێچیروان بارزانی بانگەواز ئەرا هاوکاری هاوبەش کەێد لەبان پیشکەشکردن خاسترین خزمەتگوزاری ئەرا گەل و وڵات
2024-07-07T06:28:03+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، پیرووزبایی وە بوونەی هاتن ساڵ کووچی نوو کرد، و وەی بوونە بانگەواز ئەرا پیشکەشکردن خاسترین خزمەتگوزاری ئەرا گەل و وڵات کرد.
سەرۆک نێچیروان بارزانی لە بەیاننامەی پیرووزبایی وت: لە یاد یەکەم مانگ موحەرەم سەر ساڵ کووچی نوو (1446)، پیرووزبایی گەرم لە گشت موسوڵمانەیل لە هەرێم کوردستان و عراق و جەهان کەم، ئومید خوازم بوودە ساڵ سەرکەفتن و خوەشی و خوەشاڵی، ئاشتی و ئارامی و دڵنیایی ئەرا گشتی وەرد خوەی بارێد.
وتیش: با گشتمان ئی بوون پیرووزە بکەیمنە دەرفەت و هاندەر ئەرا دووسییگ زیاتر و قایمکردن کەلتوور ئەوەکە قەبووڵکردن و وەیەکەوژیان و وەخشین ناوەین گشت پیکاتەیل ئاینی و نەتەوەیی لە هەرێم کوردستان و عراق، وتیش: با گشتمان دەس لەناو دەس وە هاوکاری هاوبەش کار بکەیمن ئەرا پیشکەشکردن خزمەتگوزاریەیل خاستر ئەرا گەلمان و ڵاتمان.
