نێچیروان بارزانی: بایەتە هەرێم کوردستان هاوبەش راسییگ لە دەوڵەت فیدراڵی عراق بوود
شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە، جەخت کرد ک بایەتە هەرێم کوردستان هاوبەش راسییگ بوود لە دەوڵەت فیدراڵی عراق، لە بەشداریکردن لە دەسەڵاتەگە وە گشت شیوەیلی، و دووپات کرد ک یەیشە عراق نوو گرێدەو وەرد مقیەتیکردن یەکێتی زەۊیەیلی.
سەرۆک بارزانی لەنوتاریگ لەناو کۆنگرەی (عراق: قەدەریگ نەهامەتی) لە شار هەولێر بۊی ک وت: گەل کوردستان لەماوەی ١٠٠ ساڵ زیان فرەیگ وەخوەی دی، و وەداخەو ک دۊیاینی یەک سەدە لە رووزگاریش، هتمان گەل کوردستان رەنج دەێد تا مافەیلی وەدەس بارێد چمانی هەمیشە رخی لە گوزەیشتە چوود، و ئمڕوویش هیمان لە ئیسە و گوزەیشتە رخی چوود.
هەمیش وت: ململانە لەبان دەسەڵات خوەی گرفتە سەرکیەگەس لە عراق، و هەمیش هەنای لایەنیگ خوازێد ڕای خوەی بچەسپنێدە بأن پلەو لایەنەیلە یا پەنا وە کار زوور و سزادان ئەرا یەکلاکردنەوەی گرفتەیلەننەێد ک هەمیشە لە عراق بۊیاد.
سەرۆک هەرێم باس دەرکەفتن ریخریاگ داعش لە وڵاتەگە کرد ک وت: ئەگەر عراق ئارام نەۊی، ناوچەگەیش ئارام نئووەخ و ئەگەر چشتیگ ئاڵشت نەۊی، گرفتەیل عراق چارەسەر نێوون، و ئەگەر خود هەڵەیل سیاسی وەردەوام بۊین، و پشتگووشخستن پیکاتەیلە وە خود مەغز زووەکاری بۊی، وە بیگومان سوو ریخریاییگ هەکاتی داعش دەرکەفێد.
نێچیروان بارزانی وتیش: عراق وڵات پیلێکاتەیلە، و لە وەخت دامەزراندنی وەگورەی سئ ویلایەت (مووسڵ، و بەغداد، و بەسرە) دروس بۊی، و ئی ویلایەتەیلە لە بنەمای بەشەوکردن جوگرافی، و کەلتوور هاتن، ک کورد لە باکوور، و سونە لە ناوڕاس، و شیعە لە باشوور، وەگەرد ئەوانەیش، پێکاتەیل ئاینی و نەتەوەیی تر لە عراق هەس.
