نێچیروان بارزانی پەیامیگ لە خانمە سەرۆک وەزیرەیل بەریتانیا رەسێدە دەسی
شەفەق نیوز/ نێچیروان بارزانی سەرۆک هەرێم کوردستان، پەیامیگ لە لیز ترس خانمە سەرۆک وەزیرەیل بەریتانیا رەسیە دەسی، ک لەناوی پاڵپشتیکردن هەرێم کوردستان لەلایەن وڵاتەگەی لە جویراجویر چینەیل دووپات کرد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: ترس سوپاس بەشداریکردن سەرۆک نێچیروان بارزانی لە پرسەی شاژن ئێلیزابێت دویەم شاژن کووچکردگ بەریتانیا کرد، هەمیش باس لە خوەشهاڵیی کرد ک جاریگتر لە لەندەن چەوی لەلی کەفت.
خانمە سەرۆک وەزیرەیل بەریتانیا لە پەیامەگەی دووپات لە ریزگردن وڵاتەگەی کرد ئەرا ئەو پەیوەندی قایمە وەرد هەرێم کوردستان جویر بەشداریگ سەرەکی لە خوەرهەڵات ناوڕاس.
هەمیش وت: بەریتانیا وەرد هەرێم کوردستان بنەمایلیگ هاوبەش دیرن جویر ئازادی قسەکردن و پەروەردە و سەرەکیەیل هاوبەش جویر باوەتەیل ئەمنی و نواگردن تیرۆر، و دووپات لە وەردەوامی لەیجویر ئەرکەیلیگ هاوبەش کرد.
لە کۆتایی، خانمە سەرۆک وەزیرەیل بەریتانیا، باس لە ئومید خوەی لە کارکردن وەرد هەرێم کوردستان کرد وەشیوەیگ خاستر وە جیوەجیکردن ئەرکەیل نووی و ئاستەیل برادەری و پەیوەندیەیل هاوبەش فراوان بکریەێد.
