نێچیروان بارزانی یاد دڵتەزنیگ لە هەولێر نووەو کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، یاد زیاندار تەقینەوە خوەکوشەیلە نووەو کرد ک وەرجە ١٨ ساڵ لە هەولێر بۊی، و دەیان کەس لەناوی بۊنە قوربانی، و سەرکردەیلیگ ناودیار لە دوو حزبە سەرەکیەگەی کوردستان لەناوی بۊن.
سەرۆک بارزانی وەی بونە لەبان تویتەر نۊسان: سڵاو شانازی و سەربەرزی لە یاد شەهیدە نەمرەیل یەک شوبات، وسڵاو لە گیان پاکیان.
وتیش: کاروان خەبات و خزمەتکردن ئی نەختینەیلە لە سەرکردە ودڵسوزەیل ک بۊنە قوربانی دەسەیل سیای تیرۆر تا هەتایی وەردەوامە.
سەرۆک هەرێم وتیش: با زنیکردن یادیان بوودە بونەیگ ئەرا بتەوکردن پێکەوەژیان ویەکێتی.
لە یەک شوبات ساڵ ٢٠٠٤، خوەیکوشوشەیلیگ وە پیشتن بومبکریاگ خوەیان لەناو بڕیگ لە سەرکردە و ئەندامەیل دوو حزبە سەرەکیەگەی هەرێم کوردستان لەمەوقەی پیرۆزباییکردنیان وە جەژن قوربان تەقاننەو.
