نێچیروان بارزانی دەربارەی پەلامارەگەی داعش پەیامیگ ئاڕاستەی سێ لایەن کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە، داوا لە پەرلەمان و حکومەت فیدڕاڵی، و هاوپەیمان ناودەوڵەتی دژوە ریخریاگ داعش وە سەرپەرشتیاری ئەمریکا کرد، وەزوی جوولە بکەن تا بۆشاییە ئەمنیەگە لە ناوچە دابڕیایەکان پڕەو بکریەێد، ئەوەیش لە پشت ئەو پەلامارە ک ریخریاگ داعش لەبان هێزەیل پێشمەرگە لە کەرکوک جیوەجیی کرد.
سەرۆک بارزانی لە بەیاننامەیگ رەسیە ئاژانس شەفەق نیوز وت: ئیمە ئەرا چەن جاریگ هووشداری حکومەت فیدڕاڵی و هاوپەیمان ناودەوڵەتی لە مەترسیەیل ریخریاگ داعش و سوودگردن لە بۆشاییە ئەمنیەگە لە ناوچە دابڕیایەکان کردیمن.
وتیش؛ دووارە لەیراو داوا لە پەرلەمان و حکومەت فیدڕاڵی لە عراق و هاوپەیمان ناودەوڵەتی دژوە داعش کەیمن کار وەزوی ئەرا دروسکردن هێزیگ هاوبەش لە پێشمەرگە و سوپای عراق لە ناوچە دابڕیایەکان بکریەێد تا ئی ناوچەیلە لەلایەن بڕە تیرۆرستەیل داعش وەکار ناوریەێد، چوونکە مەترسیەیل گەورایگ لە بان هەرێم کوردستان و عراق هەس، و مەترسییگ لەبان ئاسایش گشت ناوچەگە و جهان هەس.
سەرۆک بارزانی وتیش؛ هەرێم کوردستان ئامادەس ئەرا هاوکاری تەواوەتی وەخاتر دروسکردن ئی هێزە وە شیوەی زوییگ.
