نێچیرڤان بازرانی سەرەخوەشی لە شێح جەمال ئەلزاری کەێد
2023-12-27T12:14:00+00:00
شەفەق نیوز/ سەرۆک هەرێم کوردستان نێچیروان بارزانی، ئمڕوو چوارشەممە، پرسەو سەرەخوەشی کرد لە سەرۆک حیزب پرۆژەی نیشتیمانی عراق جەمال زاری وە بوونەی کووچ دویایی مەمووی.
وەپای بەیانامەیگ لە سەرۆکایەتی هەرێم رەسیەس ئاژانس شەفەق نیوز، بارزانی لە پەیوەنیگ تەلەفۆنی وەرد زاری راگەیان، هاوسۆز و هاوخەم خێزانەگەیانە، داوا لە خودا کرد رەحمەتی بخەێدە ژیر بەزەیی خوەی و سەبووری وە خانەوادە و کەسوکاری بوەخشێد.
شێخ جەماڵ زاری سووپاس و وەپیزانین خوەی و خانەوادەگەی دەربڕی ئەرا پەیوەنیەگەی سەرۆک نێچیروان بارزانی و بەشداریکردن لە خوسەو پرسەگەیان.
