نێچیرڤان بازانی پیرۆزبایی لە نویسەرەیل کورد کەێد
بارزانی لە بەیاننامەیگ وت، '' لەی یادە، وە چەو رێزو پیزانین تەماشای زیاتر لە نیم سەدە تیکۆشان یەکێتی نویسەرەیل کەیمن، و خزمەتگوزاری وەرچەویگیان وە ئەدەب و زوان و رۆشنهوری کوردی، پێگەی نەتەوایەتی و نیشتمانیان بەرز هەڵسنگینیمن لە سەدەی خەبات چەکداری و وەگەرد رزەیل پێشمەرگە و خەبات خەڵک کوردستان لە پێناو ئازادی".
وتیش " لە وەخت یادکردن ئی یادە، دووپات کەیمن لە گرنگی ئامادەبوینیان و رۆڵ کاریگەر نویسەرەیل لە وەرەو نوابردن گیان نیشتیمان پەروەری و چەمک وبەها مرۆیەگان لە بونیادناین کۆمەڵگایگ پیشکەفتگ و ئەوزەڵداین زوان و ئەدەب و پاراستن شناسنامە و زوان کوردی و چەسپانن بنەما قبوڵ کریاگەیل و ژیان و وەخشین، سەڵام لە گیان پاک نویسەرە شەهیدەیل ک گیان خوەیان کردنە قوربانی وەخاتر ئازادی کۆمەڵگە و وڵاتەگەیان، و سەڵام لەو کەسەیلە ژیانیان ئەرا نویسین و داهێنان دابینکردن ئەرا خزمەتکردن زوان و ئەدەب کوردی".
