نێچیرڤان بارزانی و دەیڤید کامیرۆن هووشداری دەن لە مەترسی زیاتر پەرەسەنین گرژییەیل ناوچەگە
![نێچیرڤان بارزانی و دەیڤید کامیرۆن هووشداری دەن لە مەترسی زیاتر پەرەسەنین گرژییەیل ناوچەگە](https://media.shafaq.com/media/arcella/1708165181781.jpg)
وەگورەی بەیاننامەیگ کە لەلایەن سەرۆکایەتی هەرێم بڵاو کریاس، ئەوە لە ناو دیداریگ سەرۆک بارزانی و وەزیر دەرەوەی بەریتانیا لە پەراویز کۆنفرانس ئاسایش میونشن لە ئەڵمانیا بویە.
لە بەیانامەگە وتیش: لە ناو دیدارەگە هەردوگلا باس لە دویاترین پیشهاتە ئەمنییەیل و سەختیەیل عراق و ناوچەی خوەرهەڵات ناوڕاس کردن، دانوسەنین ناوەین هەولێر و بەغدا ئەرا چارەسەرکردن گیچەڵە گیرهاتگەیل ناوەینیان، و هەڵزژاردن و رەوشەیل ناوخوەیی هەرێم کوردستان.
لە بەیاننامەگە باس ئەوە کرد کە هەردوگلا دیدگا و نووڕین خوەیان ئەرا پیشهاتە ئەمنییەیل و وەئامانجکردن هیزەیل هاوپەیمانی ناودەوڵەتی لە عراق و کاریگەرییەیلی و جەنگ غەززە و رەوش شیویای خوەرهەڵات ناوڕاس باس کردن، و لەی باوەتە زوور لەوە کردن کە پەرەسەنین ئاڵووزییەیل زیاتر رخ و هەڕەشەییگ راستەقینە لەبان سەقامگیری ناوچەگە دروس کەێد.
لەلاییگ ترەک دیدارەگە، باس هاوکاری هاوبەش ناوەین بەریتانیا و هاوپەیمان نتودەوڵەتی و ناوەین عراق و هەرێم کوردستان، رەوش ئەمنی و سیاسی عراق و هەرێم کوردستان، مەترسییەیل داعش لە عراق و سوریا، و پرس کووچبردن نایاسایی کریا.
لە وەرانوەر ئەوە، وەزیر دەرەوەی بەریتانیا دووپات لە پابەندبوین وڵاتەگەی ئەرا زەردەوامبوین لە هاوکاری و پاڵپشتیکردن عراق و هەرێم کوردستان و پەرەپیدان پەیوەندییەیل کرد، لەلای خوەییش سەرۆک هەرێم کوردستان دەسخوەشی لە پاڵپشتی و هەڵوێستەیل بەریتانیا لە عراق و هەرێم کوردستان کرد.