نێچیرڤان بارزانی: مووچە ماف سروشتییە ئەرا ئەوانەگ لە هەرێم وەریگرن و نوێنەر کوردستانیش بەشیگە لە شاند عراق ئەرا واشنتۆن
وتارەگەی سەرۆک هەرێم کوردستان بەیاننامەیگ ئەرا رووژنامەنویسەیل هات، دویای گردەوبوینگ وەرد سەرۆک کۆمار عەبدولەتیف ڕەشید لە کۆشک لسەلام لە بەغدای پایتەخت هات.
نێچیروان بارزانی لە بەیاننامەگە وتیش: “لەباوەت هەڵوژاردن، من جویر سەرۆک هەرێم کوردستان مەوقەی ئەنجامدان هەڵوژاردن دیاری کردمە، ئومید خوازم لایەنە سیاسییەیل بڕەسنە لەیەکفامستن هاوبەش ئەرا ئەنجامدان هەڵوژاردن”.
لەباوەت پەیوەندییەیل ناوەین هەولێر و بەغدا، سەرۆک هەرێم کوردستان وت، “ئەوەگ ئیسە دوینین سەرۆک حکوومەت هەرێم و سەرۆک حکومەت فیدراڵی له پەیوەندییگ وەردەوامن ئەرا چارەسەرکردن کێشەیل مووچەی فەرمانبەرەیل وەشیوەیگ ریشەیی، وەنە پرس مووچە بوودە باس و هەواڵ لە میدیایل، بیگومان یە مافیگ سروشتییە ئەرا هاووڵاتیەیل هەرێم کوردستان، سوپاس هاووڵاتییەیل کەم ئەرا سەبر و خوەیڕاگرییان”.
وتیش "بایەسە بەغدا موچەی فەرمانبەرەیل دابین بکەێد، چوینکە فەرمانبەرەیل هەرێم کوردستان بەشیگن لە فەرمانبەرەیل عراق".
لەباوت سەردانەگەی ڕەجەب تەیب ئەردۆغان، سەرۆک کۆمار تورکیا ئەرا عراق، سەرۆک هەرێم وت: لە ناو باسەیل یوی، و قسەیگ لەبان پرۆتۆکۆلیگ لە سەردانەگەی ئەرا هەولێر نەکریاس.
لەباوەت سەردان شاند حکومەت عراق ئەرا واشنتۆن پرسیار لەلی کریا، نێچیروان بارزانی سەرۆک هەرێم کوردستان لە وەڵامەگە وت: نوێنەر حکومەت هەرێم کوردستان بەشداری ئەو شاندە عراقییە کەێد کە سەردان ئەمەریکا کەن.
