نێچیرڤان بارزانی دووپات لەبان گرنگی خەسەوکردن هاوکاری هاوبەش وەگەرد رووسیا کەێد
شەفەق نیوز - هەولێر
نێچیرڤان بارزانی، سەرۆک هەرێم کوردستان ئمڕوو سێشەممە، لە دیداریگ وەگەرد باڵیۆز رووسی لە عراق ئێلبرووس کوتراشێڤ، دووپات لەبان گرنگی خەسەوکردن هاوکاری هاوبەش لەناوەین رووسیا و عراق و هەرێم کوردستان کرد.
وەپای بەیاننامەیگ لە سەرۆکایەتی هەرێم کە رەسیە ئاژانس شەفەق نیوز، دیدارەگە باس لە رەوش ناوخۆیی لە هەرێم کوردستان، و پەیوەندییەیل ناوەین هەولێر و بەغداد کرد، کە لەناوی دووپات لەبان گرنگی دیالۆگ و لەیەکفامستن کریا ئەرا چارەسەرکردن دۆسیە هەڵواسیاگەیل ناوەین هەردوگ لایەنەگە.
هەرلیوا هەردوگ لایەنەگە باس لە رێککەفتن ناوەین ویلایەتە یەکگرتگەیل و ئیران کردن، و ئومقد خوەیان نیشان دان کە ئەو باسکردنە وەردەوامەیلە بەشداری بکەن لە چەسپانن ئاشتییگ هەمیشەیی و گشتگیر و جقگیر لە ناوچەگە.
هەرلیوا، دیدارەگە رەسیە دۊاترین پەرەسەنینەیل جەنگ لە ئۆکرانیا، وە ئامادەبۊن کونسوڵ گشتی رووسی لە هەرێم کوردستان، لە چوارچیوەی باسکردن را و نووڕینەیل لەباوەت پیشهاتەیل ناودەوڵەتی.
