نێچیرڤان بارزانی: ئاوارەکان لە کوردستان پشتگیریکردن ناودەوڵەتی فرەتر خوازن
شەفەق نیوز/ نێچیرڤان بارزانی سەرۆک هەرێم کوردستان، وەرجە نیمەڕو ئمڕوو سێشەممە، چەوی کەفتە تریستان ئەزییج وەزیر دەوڵەت هەنگاریا ئەرا باوەتەیل مەسیحیەکان.
بارزانی لە چەوپیکەفتنەگە باس لە سوپاس و رێز هەرێم کوردستان ئەرا هاوکاریە سەربازی و مرۆییە هەنگاریەکان ئەرا ئاوارەیل لە هەرێم کوردستان کرد، وەتایبەت لە مەسیحی و ئەیزیدیەکان، و دووپات کرد ک ئاوارەکان لە هەرێم کوردستان هاوکاری و پاڵپشتی ناودەوڵەتی فرەتر خوازن، وەگورەی بەیاننامەیگ فەرمی.
لەو چەوپیکەفتنە ک ئیستێفان ئامری قونسڵ گشتی هەنگاریا لە هەولێر ئامادەی بوی، تریستان ئەزییج جەخت کرد لە وەردەوامی وڵاتەگەی وە هاوبەشی وەگەرد هەرێم کوردستان و هاوکاریکردن ئاوارەیل.
سەرۆک بارزانی هەمیش باس لە سوپاس و ڕێز هەنگاریا کرد ئەرا کەلتوور پێکەوەژیان و یەک قبووڵکردن لەناونی پێکهاتە ئاینیەکان ونەتەوەیەکان لە کوردستان، و باس سەردانەگەی قەداسەت پاپا ئەرا هەرێم کوردستان کرد ک خوای پەیام کرنگیکە و ئەرزشداریە ئەرا ئی کەلتوورە، و ئومیددار بوی ک سەردانەگەی بوودە هاندەریگ ئەرا قویلەوکردن ئی کەلتوورە.
