نێچیرڤان بارزانی یاد پەلامارەگەی یەک شوبات کەێد: پایەی یەکڕزی و تەبایی
2024-02-01T08:14:32+00:00
شەفەق نیوز/ سەرۆک هەرێم کوردستان نێچیرڤان بارزانی، ئمڕوو پەنجشەممە، یاد ساڵیاد پەلامارەگەی یەک شوبات کرد، ئێ یادە وە "پایەی یەکڕزی و تەبایی" ناویبرد.
نێچیرڤان لە تویتیگ فەرمی لەبان تووڕ X وت: "ئمڕوو یاد هاوڕێ و هاوکارە شەهید و نەمرەیل یەک شوبات کەیمن".
وتیش "با یاد کۆمەڵیگ شەهیدەیل کە لە کۆمەڵیگ سەرکردە و کادر دیار پارتی دیموکرات و یەکێتی نیشتیمانی و حیزبەیل ترەک و گەل کوردستان پێکهاتنە کە رویوەڕوی تاوان تیرۆرستانە بوینەسەو، بکەیمنە پایەی یەکڕزی و تەبایی و هەمکاری وەرد یەک ئەرا خزمەتکردن ئیسە و ئایندەی گەلەگە و وڵاتەگە وە جویریگ خاستر"
لەکۆتایی وت: " سڵاو لە یاد و گیان شەهیدەیل 1 شوبات و گشت شەهیدەیل کوردستان، گیانیان شاد بوود رێز و سڵاو ئەرا کەسوکارەیلیان".
