نەتەوە یەکگرتووەکان باس توانای نێچیرڤان بارزانی ئەرا چەسپانن بەش هەرێم لە بوودجەگە کەێد
2021-02-14T09:25:24+00:00
شەفەق نیوز/ جینین بلاسخارت نۆێنەر تایبەت ئەمیندار گشتی نەتەوە یەکگرتووەکان لە عراق، ئمڕوو یەکشەممە، دووپات کرد ک خوەیان چەوڕی لە نێچیرڤان بارزانی کەن دەور دیاریگ لە سەرکەفتن دانوستانەگان لەناوبەین هەولێر و بەغداد کەن، و خوەی توانای ئەوە دیرێد.
ئەوەیش لە چەوپێکەفتن سەرۆک هەرێم وەگەرد بلاسخارت، شەوەکی ئمڕوو هات، ک هەمیش دووپات لە توانای نێچیرڤان بارزانی لە چەسپانن بەش هەرێم کوردستان لە بوودجەی فیدڕاڵی ئەرا ساڵ ٢٠٢١ کرد، و هەمیش توانای لە مقەیەتیکردن یەکێتی رز لایەنە کوردستانیەگان.
لە کۆبونەوەگە باس لە ناوکۆکیەیل هەولێر - بەغداد کریا و ئەو تەقەلایلە ک ئەرا چەسپانن بەش هەرێم کوردستان لە بوودجەگە دریەن، و هەردوگلاگە دووپات لە چارەسەرکەردن ئەو ناکۆکیەیلە وەگورەی بنەمایەک دەستور کردن، وەگورەی بەیاننامەی سەرۆکایەتی هەرێم.
