نەتەوە یەکگرتگەیل نیگەرانی خوەی لە پەلامار مووشەکی بان هەولێر نشان دەێد

شەفەق نیوز/ شاند نەتەوە یەكگرتگەیل (یۆنامی)، ئمڕوو دووشەممە، نیگەرانی خوەی لە وەشانن مووشەکەیل وەبان پاڵاو نەفتیگ لە هەولێر نشان دا.  

یۆنامی لە بەیاننامیگ وت: وەشانن ملهڕی ئەو مووشەکەیلە وەبان پاڵاو نەفت لە هەولێر، شەو جەژن رەمەزان، گەشەکردنیگ نیگەرانیە.  

وتیش: بایەتە سەرکردەیل عراق جۊر یەک تیم کار بکەن ئەرا نواگردن ئی کارەیل دوژمنیە ک خوازێد ئاسایش و ئارامی وڵاتەگە بشیونێد.    

دویەکە یەکشەممە، دژەتیرۆر لە هەرێم کوردستان، کەفتن شەش مووشەک لەبان قەزای خەبات لە پارێزگای هەولێر راگەیان، وەبی هویچ زەرەدیگ مرۆیی یا دارایی.