نەتەوە یەکگرتگەیل شەرمەزار پەلامار ئیران لەبان هەرێم کوردستان کەێد

شەفەق نیوز/ شاند نەتەوە یەکگرتگەیل ئەرا دەسمیەتیکردن عراق "یۆنامی"، ئمڕوو دووشەممە، شەرمەزار ئەو پەلامار ئیرانیە کرد ک هەرێم کوردستان کردە ئامانج، و وە دەسدرویژی نادانا دادەی قەڵەم.

شاندەگە لە بەیاننامەیگ رەسیە ئاژانس شەفەق نیوز وت: بایەتە ئەو پەلامارەیل دوواروبویە ک سەروەری عراق شکنێد بوسیەنەو، ئیجویر دەسدرویژییگ نەگ تەنیا ژاوەژاوەگە وەشیوەیگ نا دانایی زیای کەن، باوجی هیلێد نەهامەتییگ بکەفێد.

وتیش: هەر هویریگ لەلای دەوڵەتیگ بوود ک خوازێد وەرد دەوڵەتەیل هاوسا یکلایەو بکەێد، کارەیل دیبلۆماسی بوودە تەنیا رییگ ئەرا تەواوکردنی.

وەرجەیە، فەرماندەیی ناوڕاس ئەمریکا، شەرمەزار ئەو پەلامارەیل مووشەکی ئیرانە کرد ک بارەگایل حزبەیلیگ ئۆپۆزسیۆن ئیرانی کردنە ئامانج، وەگەرد کامپیگ لە هەولێر ک پەنابەرەیل کورد ئیرانی هانە ناوی.