مووشەک کەفێدە نزیک هوتێلیگ لە هەولێر
2021-06-26T07:35:13+00:00
شەفەق نیوز/ وەچەودیەلیگ ئمڕوو شەممە، خەوەردان لە کەفتن مووشەک نەناسریاییگ لە نزیک یەکیگ لە هوتێلەیل پارێزگای هەولێر پایتەخت هەرێم کوردستان.
وەچەودیەیلە ئەرا ئاژانس شەفەق نیوز وتن: مووشەکیگ کەفتە نزیک هوتێل حانۆادە لەبان ری مەسیف سەڵاحەدین لە ناو یەکیگ لە بووسانەیل لە ئاوای بێاغ و نەویە هووکار هیچ زەخمدارییگ.
وەگورەی وەچەودیەلە، مووشەکەگە لە ساعەت سێەی شەفەق ئمڕوو شەممە کەفت.
هەرلیوا، هیچ قسەو باسیگ لە دەسەڵاتەیل هەرێم لەی باوەتە نەوی، و تا ئیسە شوین وەشانن مووشەکەگە دیار نەویە.
